Baıshev Ýnıversıtet

УНИВЕРСИТЕТ МИССИЯСЫ - Қазақстан экономикасының инновациялық дамуы үшін жоғары білікті, бәсекелестікке қабілетті, әлеуметтік-жауапты кадрлар даярлау

Студенттік өмір

"Алаш" студенттік театры "Маxаббат аралы" спектакльін көрермен назарына ұсынды

2 ақпан күні "Алаш" студенттік театры 2019 жыл – Жастар жылы болып жариялануына байланысты Баишев университеті ректорының кубогына арналған «AISBERG CUP» республикалық пікірсайыс турнирінің қонақтарына Ә.Тауасаровтың "Маxаббат аралы" спектакльін ұсынды.


«Мен, еріктімін!» облыстық волонтерлар слеті

5 желтоқсан - Халықаралық волонтерлар күні мерекесіне орай, М.Оспанов атындағы Батыс Қазақстан мемлекеттік медициналық университеті жанындағы А.Досжанова атындағы конеференц-холлда «Мен, еріктімін!» облыстық волонтерлар слеті


"Алаш" студенттік театрына 3 жыл

2018 жылдың 6 желтоқсан күні «Алаш» студенттік театрының құрылғанына 3 жыл толуына арналған салтанатты шара өтті. Шара 2 бөлімнен тұрды. Бірінші бөлім концерттік бағдарлама, екінші бөлімде көрерменге Георгий Хугаевтың «Көршілер» атты қойылымын тарту етті.


«Университет Аруы - 2018»

2018 жылдың 27 қараша күні «Университет Аруы - 2018» байқауы өтті. Кастинг қорытындысы бойынша байқауға 14 ару қатысты.


Екі бірдей облыстық турнирдің жеңімпаздары

10 қараша күні, Қ.Жұбанов атындағы АӨМУ физика-математика факультетінің ғимаратында өткен, «Нұр Отан» республикалық ауыспалы кубогіне арналған «Ел болашағы – Жастар» тақырыбында облыстық пікірсайыс турнирінің нәтижесі бойынша, Кереева Таншолпан АПФ бойынша I орын иеленіп, ЛД форматы бойынша турнирдің «Үздік спикері» номинациясына ие болып, Ақтөбе облысы атынан жолдама алды. Ал, Таубай Айсұлтан Американдық парламенттік форматының II орын иегері атанды.


«Шын жүрекпен» еріктілер тобының қайырымдылық шарасы

3 қараша күні С.Бәйішев ат. АУ жатақханасы жанынан құрылған «Шын жүрекпен» қайырымдылық еріктілер тобы Мәртөк ауданындағы отбасы үлгісіндегі балалар үйіне, Жайсан көпсалалы колледжі мен балалар интернаты барып қайтты. Аталған жерлерде концерттік бағдарлама өткізіп, түрлі ойындар ойнатылып, сыйлықтар ұсынылды.


"Sanaly urpaq" эстафетасы аясында “Жемқорлық індет - жою міндет” атты дөңгелек үстел және флешмоб өтті

9 қараша күні университет мәжіліс залында "Sanaly urpaq" эстафетасы аясында С.Бәйішев атындағы Ақтөбе университетінің "Саналы ұрпақ" студенттік клубының ұйымдастырылуымен “Жемқорлық індет - жою міндет” атты дөңгелек үстел және университет ауласында флешмоб өтті. Шараға облыстық жастар ресурстық орталығының бөлім басшысы Н.Алтынбекқызы, сыбайлас жемқорлықтың алдын алу басқармасының бас маманы М.Абекенов, М.Оспанов атындағы Батыс-Қазақстан мемлекеттік медициналық университетінің психологы А.Алмаханқызы, экономика және құқық факультетінің деканы М.Қайырғалиева, әлеуметтік және тәрбие жұмыстары жөніндегі орталығының инструкторы А.Амирова және университет белсенді студенттері қатысты.


«Jas barys»жастар форумы

Елбасының жолдауы бойынша 2019 жыл Жастарды қолдау жылы болып жарияланды! Осыған орай 280мың жастардың арасынан ең талантты, ең дарынды, білімділер іріктеліп, Ақтөбе облысында алғаш рет "Жас барыс" форумы ұйымдастырылды. Аталған форумға университетімізден 40 студент қатысып, семинар-тренингтерде белсенділік танытты.


Біздің студенттер бірінші

Елбасының ағымдағы жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына жолдауын: «Қолданыстағы, әсіресе оқу орындарындағы спорт ғимараттарын тиімді пайдалану қажет» тапсырмасын орындау мақсатында облыстық жастар саясаты мәселелері, облыстық спорт және дене шынықтыру басқармалары Қ.Жұбанов ат. Ақтөбе өңірлік және М.Оспанов ат. медициналық университеттерінің базасында 2018 жылғы 12 қазан мен 9 қараша аралығында өңірдің жоғары оқу орындары студенттері арасында «Ақтөбе студенттері лигасын» өткізді.


Сыбайлас жемқорлық құқық бұзушылықтардың алдын алу

1 қарашада С.Бәйішев атындағы Ақтөбе университетінің президенті Б. Аханның бастамасымен Ақтөбе облысы бойынша Мемлекеттік қызмет істері және сыбайлас жемқорлыққа қарсы іс-қимыл агенттігінің Департаментінің РМҚК өкілі М.Абекеновпен «Сыбайлас жемқорлық құқық бұзушылықтың алдын алу» тақырыбында кездесу өтті. Кездесуге ПОҚ және бітіруші курстар студенттері қатысты.


Ішкі істер департаментінің өкілдерімен «Террористік шабуыл кезіндегі қоғамдық іс-әрекеттер» атты кездесу

24 қазанда университеттің мәжіліс залында ішкі істер департаментінің өкілдерімен профессорлық-оқытушылар құрамы, қызметкерлер мен студенттерге қатысты террорлық шабуылға байланысты кездесу өтті.


Студенттер қатарына қабылдау

2018 жылдың 19 қазанында университет ақ залында «Студенттер қатарына қабылдау» мерекелік шарасы өтті. Университет президенті, философия ғылымдарының докторы, профессор Б.Аханның құттықтау сөзінен соң факультет декандары топ старосталарына студенттік билет және сынақ кітапшаларын салтанатты түрде табыс етті. Студенттер ант қабылдаған соң студенттік гимн «Гаудеамусты» шырқады. Шара мерекелік кеонцертпен аяқталды.


Қайырымдылық шара «Қадірлейік қарттарды»

С.Бәйішев атындағы Ақтөбе университеті жанынан құрылған «Үміт Нұры» еріктілер тобы, 22 қазан күні «Думан» мейрамханасында «Қадірлейік қарттарды» атты қарттар үйіндегі ата-әжелерге арналған қайырымдылық шара өткізді.


"Алаш" студенттік театры "Айқаракөз" спектаклін ұсынды

12 қазан күні "Рухани жаңғыру" аясында қазағымыздың қаймағы бұзылмаған, салт-дәстүрлеріміз бен тарихи жағдаяттар орын алатын М.Әуезовтің "Айқаракөз" трагедиясын жұртшылыққа ұсынды. Келген көрермендер дән риза. Алған сезімдерімен бөліскен олар, алғыстарын білдіріп, ақ тілектері мен баталарын жаудырды.


"Студенттік лига" турнирінің ашылу салтанаты

12 қазан күні Қ.Жұбанов АӨМУ-нің спорт кешенінде, облыстық жастар саясаты мәселелері басқармасының ұйымдастырылуымен, Елбасының "Болашаққа бағдар: рухани жаңғыру" бағдарламалық мақаласын жүзеге асыру аясында 2018-2019 оқу жылында өңірдегі ЖОО студенттері арасында "Студенттік лига" турнирінің ашылу салтанаты өтті. Турнирге 6 жоғары оқу орнының студенттері қатысады. Командамызға сәттілік тілейміз!


Ұстаздар күніне арналған футзал бойынша турнир

2018 жылдың 3 қазанында Ұстаздар күніне арналған университет оқытушылары мен қызметкерлері арасында футзал бойынша турнир өтті. Турнирдің жеңімпазы үшінші жыл қатарынан ауыспалы кубокты табыстаумен университеттің техникалық қызметкерлер командасы атанды. Барлық жеңімпаздарға сертификаттар берілді. Турнирдің мақсаты университет қызметкерлері мен оқытушылары салауатты өмір салтын қалыптастыру болып табылады.


Үміт нұрының жәрмеңкесі

С.Бәйішев атындағы Ақтөбе университетінің "Үміт Нұры" еріктілер тобы биылғы оқу жылындағы жұмысын бастап кетті. Жаңадан қосылған студенттеріміз белсенді және өте талантты. Соның алғашқы көрінісі 1 қазан күні университеттің 3 қабатында жәрмеңкемен басталды. Студенттер өз жұмыстарының нәтижесін жақсы көрсете білді және алдағы уақытта да осылай белсенділік танытады деген сенімдеміз. "Үміт Нұры" еріктілер тобына қосыламыз деген әрбір мейірімді жанға есігіміз ашық.


Абат-Байтақ кесенесі және Қыз Әулие бейіті

2018 жылғы 29 қыркүйек күні, Елбасының "Болашаққа бағдар: рухани жаңғыру" бағдарламалық мақаласын жүзеге асыру аясында С.Бәйішев атындағы Ақтөбе университетінің ӘжТЖЖ проректоры А.В.Усов және белсенді студенттері Қобда ауданында орналасқан Абат-Байтақ кесенесі және Қыз Әулие бейіті басына барып қайтты.


Жатақхана студенттері «Қарттар үйіне» кездесуге барды

2018 жылдың 28 қыркүйегінде университетіміздің жатақхана студенттері «Қарттар үйіне» кездесуге барды. «Қарттар үйінің» акт залында қарттар мен мүгедек жандарға сыйлықтар табысталды. Кездесу студенттердің концерттік бағдарламасымен аяқталды.


Маңғыстау CUP VI республикалық пікірсайыс турнирінде «Үздік спикер» атанды

26-28 қыркүйек аралығында өткен Маңғыстау CUP VI турнирі өз аяғына жетті. Турнирге Ақтөбе, Алматы, Атырау, Ақтау, Түркістан облыстарынан 26 фракция қатысты. "Рухани жаңғыру" бағдарламасы, Елбасының Қазақстан халқына Жолдауын жүзеге асыру тақырыптарында өткен республикалық пікірсайыс турнирінде "Үздік талпыныс" номинациясы бойынша Таубай Айсұлтан мен Кереева Таншолпан марапатталды. Сонымен қатар Таубай Айсұлтан "Үздік спикер" атанды.


"Жұлдызды сəт" гала концерт

28 қыркүйек күні Жастар ісі жөніндегі комитетінің ұйымдастыруымен "Жұлдызды сəт" атты гала концерті өтті. 1 курс студенттері арасынан талантты, шығармашыл студенттер іріктеліп алынды.


«Жастары белсенді елдің - болашағы жарқын!» атты кеңейтілген жастар кеңесі

Ағымдағы жылдың 5 қыркүйегінде Облыс əкімі Бердібек Сапарбаев Жастар кеңесінің кеңейтілген отырысын өткізді. Оған университетімізден ӘжТЖ жөніндегі проректор А.В.Усов, ӘжТЖ директоры С.Т.Жалмағанбетова және жастар ісі жөніндегі комитет төрағасы А.І.Әзиев қатысты.


1 курс студенттерімен жалпыуниверситетттік жиналыс

2018 жылдың 6 қыркүйек күні университетіміздің Ақ залында 1 курс студенттерімен жалпыуниверситетттік жиналыс өткізілді. Жиналыста университетіміздің ішкі тәртіп Ережесін сақтау сұрақтары қарастырылды және студенттер ар-намыс кодексімен таныстырылды. Студенттердің қоғамдық тәртіптің ережелерін бұзбауына және рұқсат етілмеген митингтерге қатыспауына баса назар аударылды.


Жатақханада танысу кеші өтті

2018 жылдың 7 қыркүйегінде университет жатақханасында «Кел, достар, танысайық» атты 1-курс студенттерінің танысу кеші өтті. ҚР Әнұраны орындалғаннан кейін университет туы салтанатты түрде 1-курс студенттеріне табыс етілді. Кеш ән, би және сайыстардан құралған концерттік бағдарламамен аяқталды.


«Өмір - менің барым» жастар флеш-мобы

2018 жылғы 20 қыркүйекте «Жасөспірімдер арасында суицидтік мінез-құлықты болдырмау және олардың психикалық денсаулығын нығайту» атты әлеуметтік жобаның аясында 2018 жылдың 20 қыркүйегінде «Ақтөбе облыстық денсаулық сақтау басқармасы» ММ бұйрығымен университеттің ауласында «Өмір - менің барым» атты флешмоб ұйымдастырылды.


Халықаралық Отбасы күніне арналған эстафета

17 қыркүйек – Халықаралық Отбасы күніне арналған, жастар ісі жөніндегі комитеттің ұйымдастыруымен «Бірлігіміз жарасқан» эстафеталық жарысы өтті. Белсенді студенттер арасында өткен жарыстың мақсаты ауызбіршілік пен ынтымақтастықты нығайту. Шараны Қазақстан-Ақтөбе телеарнасы қолдап, студенттерден сұxбат алды.


Жатақхана

18 қыркүйек күні жастар ісі жөніндегі комитет төрағасы А.Әзиев пен студенттік ректорат мүшелері жатақхана тұрғындарымен кездесті. Жиналыс барысында ішкі тәртіп ережелерімен таныстырды және студенттерді университеттің мәдени-қоғамдық, тәрбиелік шараларға белсене қатысуға шақырды.


Алаш арыстары

20 қыркүйек күні Ә.Молдағұлова атындағы облыстық мемориалды музейінде Жаһанша мен Халел Досмұхамедовтардың басшылығымен «Алашорда» Батыс бөлімшесі құрылғанына 100 жыл толуына орай, «Алаш арыстары» атты тарихи-танымдық шараға университеттің бір топ студенті қатысып келді.


Бас мүфтимен кездесу

2018 жылғы 24 қыркүйек күні Ақтөбе облысының зиялы қауым өкілдері және қоғамдық кеңес мүшелерінің бас мүфти Серікбай қажы Оразбен кездесу өтті. "Нұр Отан" партиясы облыстық филиалы ғимаратында өткен жиынға ӘжТЖ жөніндегі проректор А.Усов және ӘжТЖ орталық директоры С.Жалмағанбетова қатысты.


Мемориал

2018 жылғы 11 қазан күні, Елбасының "Болашаққа бағдар: рухани жаңғыру" бағдарламалық мақаласын жүзеге асыру аясында, Әйтеке би ауданы, Комсомол ауылында Ұлы Отан соғысының ардагері, "Қызыл жұлдыз", "Отан соғысы" ордендерінің иегері, партия-кеңес қызметі қайраткері, Ақтөбе облысының дербес зейнеткері Телібеков Арықбайға арналған мемориалдық тақтаның орнатылу рәсіміне С.Бәйішев атындағы Ақтөбе университетінің ӘжТЖЖ проректоры А.В.Усов және студенттері қатысып келді.


Кәмелетке толмаған студенттермен жұмыс жүргізілді

2018 жылдың 19 қыркүйек күні университет ақ залында, кәмелетке толмаған студенттердің картотекасы жүргізілді. Жиналыс барысында, оларға кәмелетке толмағандардың қылмыстық жауаптылығының жалпы сипаттамасын, ережесін, тағайындалатын жаза түрлерінің мән-жайын ӘжТЖ жөніндегі проректор А.Усов және ЖІК төрағасы А.Әзиев түсіндіріп кетті.


Концерттік бағдарлама «Достығымыз жарасқан»

2017 жылдың 22 қыркүйегінде университет жатақханасында «Достығымыз жарасқан» атты концерттік бағдарлама өтті.


Қалалық сенбілік

2017 жылдың 22 қыркүйегінде біздің университетіміздің студенттері Сазды ауылдық округінде бекітілген аумақты тазарту үшін қалалық сенбілікке қатысты.


«Біз таланттарды іздейміз!» гала-концерті

2017 жылдың 21 қыркүйегінде бірінші курс студенттері арасында «Біз таланттарды іздейміз!» атты гала-концерт өтті. Шараның мақсаты - талантты, шығармашыл, белсенді студенттерді анықтау.


1 курс студенттерімен жалпыуниверситетттік жиналыс

2017 жылдың 12-қыркүйегінде университетіміздің Ақ залында 1 курс студенттерімен жалпыуниверситетттік жиналыс өткізілді.


Дөңгелек үстел «Болашаққа қадам»

2017 жылдың 14 қыркүйегінде университет конференц-залында Әлеуметтік және тәрбие орталығының ұйымдастыруымен «Ақтөбе облысы қоғамдық денсаулық сақтау департаментімен» бірлескен салауатты өмір салтын қалыптастыру мақсатында «Болашаққа қадам» атты дөңгелек үстел өтті.


«Кел, достар, танысайық»

2017 жылдың 9-қыркүйегінде университет жатақханасында «Кел, достар, танысайық» атты 1-курс студенттерінің танысу кеші өтті. ҚР Әнұраны орындалғаннан кейін университет туы салтанатты түрде 1-курс студенттеріне табыс етілді. Кеш ән, би және сайыстардан құралған концерттік бағдарламамен аяқталды.


Жазғы фестиваль Үлкен кубок

Ақтөбе облысының жастар саясаты мәселелері басқармасының мемлекеттік әлеуметтік тапсырыс аясында өткен «Жазғы Үлкен Кубок» Жайдарман фестивалінде университетіміздің «С.Бәйішев атындағы Ақтөбе университеті құрамасы» командасы өнер көрсетіп, чемпион атағын жеңіп алды.


Қазақстан Республикасының президенті Н.А.Назарбаевтың «Болашаққа бағдар: рухани жаңғыру»атты мақаласын талдау мақсатында дөңгелек үстел өтті.

2017 жылдың 5 қыркүйегінде университетіміздің конференц залында Қазақстан Республикасының президенті Н.А.Назарбаевтың «Болашаққа бағдар: рухани жаңғыру»атты мақаласын талдау мақсатында дөңгелек үстел өтті. Дөңгелек үстелдің ұйымдастырушысы университетіміздің жастар ісі жөніндегі комитеті және Ақтөбе облысы Жасыл ел жасағы.


2017 жылдың 2-қыркүйегінде университетімізде Білім күніне арналған салтанатты шара өтті.

Университет президенті Ахан Бекежан Аханұлы және университет ректоры Агзамова Алия Бекежанқызы бірінші курс студенттеріне құттықтау сөз сөйледі.


Облыстық дебаттық турнирдің жеңімпаздары

Қараша айының 19-ы күні Қ.Жұбанов атындағы Ақтөбе университетінде АӨМУ ректорының кубогіне облыстық дебаттық турнир өтті. Біздің университетіміздің «Айсберг» дебатерлер командасы турнир жеңімпаздары атанды.


«Бәйішев жастары» КТК командасы

Қараша айының 20-ы күні Ақтөбе қаласында Ақтөбе облыстық Премьер лига біріншілігінің финалдық бәсекесі өтті. Турнирге қатысқан жиырма команданың ішінен біздің университетіміздің «Бәйішев жастары» КТК командасы 3-ші орынды иеленді.


«Қорғаудағы балалық» флешмобы

2016 жылдың 18-қарашасында университетіміздің белсенді студенттері «Қатыгездіксіз және зорлық-зомбылықсыз балалық шақ» республикалық ақпараттық науқанының шеңберінде, С.Бәйішев ескерткішінің жанында «Қорғаудағы балалық» атты флешмоб өткізді.


«Шылым шегудің адам өміріне зияны» семинар-тренингі

2016 жылдың 17-қарашасында университетіміздің конференц-залында Әлеуметтік және тәрбие орталығы, № 6 қалалық емхана психологтарымен бірлесіп «Шылым шегудің адам өміріне зияны» атты семинар-тренинг өткізді.


Жасыл ел XII-ші еңбек маусымының Республикалық жабылуы

2016 жылдың 10-11 қараша күні аралығында әлеуметтік және тәрбие орталығының инструкторы Амирова А.Б. бастаған студенттер тобы Орал қаласында өткен Жасыл ел XII-ші еңбек маусымының Республикалық жабылу салатанатына қатысып келді.


Танымал әнші Ғаділбек Жанаймен кездесу

2016 жылдың 10-қарашасында университетіміздің Ақ залында Халықаралық студенттер күніне арналған танымал әнші Ғаділбек Жанаймен шығармашылық кездесуі өтті.


Жастар терроризмге қарсы

2016 жылдың 10 қараша күні университетіміздің Ақ залында «Жастар терроризмге қарсы» атты семинар өтті.


Қарттар үйі

2016 жылдың 8 қараша күні университетіміздің жатақхана студенттері «Қарттар үйіне» кездесуге барды.


Мәртөк балалар үйі

2016 жылдың 2 қарашасында жатақхана студенттері Мәртөк балалар үйіне барды. Студенттердің ұйымдастырған концерттік бағдаралмасынан кейін балаларға сыйлықтар таратылды.


«Ақтөбе жемқорлыққа қарсы»

2016 жылдың 4 қараша күні университетіміздің студенттері «Ақтөбе жемқорлыққа қарсы» атты қалалық флешмобқа белсене қатысты.